م . نــشأت فؤاد الشيـــخ

المنتدي الرهيب الشامـل لأبناء المنوفيـة
 
الرئيسيةالأعضاءالمجموعاتالتسجيلدخول

شاطر | 
 

 إلى كل البنات المتحنجلات تذكرى قول جدتك خطبوها اتعززت تركوها اتندمت

اذهب الى الأسفل 
كاتب الموضوعرسالة
نشأت الشيخ
Admin
avatar

المساهمات : 87
تاريخ التسجيل : 15/08/2008
العمر : 34

مُساهمةموضوع: إلى كل البنات المتحنجلات تذكرى قول جدتك خطبوها اتعززت تركوها اتندمت   السبت أغسطس 16, 2008 10:53 am




كلنا متفقين تقريبا أن البلد فيها أزمة جواز ..
وإن شبح العنوسة هو البعبع بتاع البنات الايام دي ..
فى ظروف زى دى ايه المتوقع من أى أب وبنته جالهم عريس كويس وأخلاق وجاهز وفى نفس الوقت البنت أعجبت بيه ؟!! ..
المفروض انهم يشيلوه من على الارض شيل ..
ده اقل ما يجب أن يعملوه ..
لأن خلينا نتكلم بصراحة ..
فرصة الرجل فى الزواج اكبر بكثير من المرأة ..
الرجل الجاهز ممكن يلاقى أكتر من واحدة مناسبة له ..
لكن البنت الفرصة الواحدة غالية جدا بالنسبة لها ..
لكن المشكلة الايام دي أن فيه أبهات وفيه بنات مش مقدرين الواقع كويس ..
أو مش فاهمينه ..
ولما يجلهم عريس كويس يسلخوه وكانهم بيعاقبوه على إنه فكر انه يتجوز ..

وممكن جوازات تقف فى اخرها علشان حاجات تافهه زى مثلا (القايمة) دى اللى بعض اباء البنات بيصمموا انهم يكتبوها على العريس رغم انها لا من الشرع ولا من الدين .. ده الشبكة اللى هى شبكه مش من الشرع وهى عبارة عن هدية يقدمها العريس وحتى لا يجبر عليها .. ده كلام شرعي على فكرة ..
وبيحصل بسبب حاجات زى دى تقف جوازات ..
وأنا بس عاوز أديلكم أمثلة من الواقع وهى حصلت فعلا علشان تعرف بس انه رغم الظروف الصعبة اللى بنعشها دي مفيش اى تعاون ولا تفكير سليم لا من البنات
(( مش كلهم طبعا )) ولا من أبهاتهم ..

المثال الاول : بحبحها شوية ..!!
راح علشان يخطبها وهو شخصية فى مركز أجتماعي كويس وهى اقل منه فى المستوى التعليمي وأقل حتى فى مستوى الجمال ..قعد مع ابوها وجت سيرة الشبكة
قاله والله يا عمي أنا حجيب شبكة بــ3 ألاف جنيه ، قاله معلش يا بني اختها جالها شبكة بــ 5 الاف جنيه ومش عاوزها تحس انها اقل من أختها .. قاله مش حينفع يا عمي أنت عارف ان الخطوبة كلها على العريس وحدفع مبلغ جامد وانا لسه بدفع فى أقساط الشقة .. والراجل ابدا مصمم على رأية.. فالشاب قاله بدل انت مصمم خليها قاعدة جمب امها ..وسابه ومشى .. بعد يومين اتصل به وقاله خلاص يا بنى بــ3 الاف جنيه .. قاله خلاص يا عم الحج (( صبح صبح)) أنا صرفت نظر إذا كان من اولها بتعملوا معايا كده امال بعد كده ايه ..!!

تعليق ....!!
يعنى ده مثال واضح لشخص ولا مؤاخذة بيتاجر ببنته مش عايز يجوزها ... يعنى إحنا ديما بنقول ان الشبكة دى هدية العريس والمفروض يجيب حاجه على أد إمكانياته لكن للاسف تفكير معظم الأسر المصرية ان الشبكة دى وسيلة للتباهي بين بنات العيلة الواحدة ومين جالها شبكة أغلى وهكذا .. وبعدين يا جماعة واقعيا محدش بأه يجيب شبكة دلوقت اخرها (( دبلتين ومحبس )) والشبكة على الدخلة .. المفروض لو ناس فعلا شاريين راجل فعل مش كلام يسهلوا له أموره ويخافوا على فلوسه اللى هى اصلا حتبأه فلوس بنتهم .. لكن احنا دلوقت شاييفن الدنيا مولعة ازاى يعنى الشاب كتر خيره الايام دى انه عارف يتقدم علشان يتجوز وهو فى الاساس بيشيل الليلة كلها ولو حسبتها ولا مؤاخذه حتلاقى ابو البت مش بيدفع حاجه تقارن باللى بيدفعه العريس من اول الخطوبة لغاية الدخول ...ده حتى فى تفاهات الامور اللى بيسموها (المواسم ) لو العريس مجبش هدية يعملوهاله قضية ..!
القضية مش مسالة فلوس .. القضية ان ده زواج .. يعنى مودة ورحمة .. فالمفروض الاب فعلا اللى عاوز يستر بنته يسهل الحال مع المتقدم وفى نفس الوقت لا يرخص من بنته ويحفظ لها كرامتها ففيه فرق بين ان الانسان ييسر على غيره وبين ان يتنازل ..انا مش بقول يتنازل ولكن بقول ييسر وهناك فرق ...!

المثال الثاني : مرحش الخليج أنا
تقدم لها .. ودفع لهم كل ما طلبوه .. وتمت الخطوبة .. وقام بتجهيز شقته ..
وقبل الزفاف بأسبوع قالها إن شاء الله بعد الجواز بشهر حنسافر للخليج علشان جالى شغل هناك .. وطبعا يعنى عقد عمل فى الخليج ده حلم لاى حد ومش بالساهل كمان .. قالتله لا أنا مش حسافر الخليج ومش حسيب مصر لو عاوز تسافر سافر انت وانا حستناك .. قالها امال انا حتجوز ليه .. وفى الاخر فشكل الخطوبة وقالها مع السلامة .

تعليق ..!!
ربنا لما يعطى إنسان نعمة وهو مش مقدر قيمتها حتغور من وشه ..
وده اللى حصل مع البنت دى ان النعمة اللى هى فيها غارت من وشها ..
يعنى فى ظل كل الظروف السيئة اللى احنا فيها .. جالها عريس معجبة بيه وجاب شقه وشبكة وجاهز من كله وفاضل خلاص أسبوع على الزفاف.. وفى الاخر تتنطط عليه علشان حياخدها ويسافر الخليج وكأنه حياخدها مثلا ويسافر صحراء الربع الخالي .. مع ان الاصول بتقول إن الست تروح مع جوزها اى مكان ، هى دى الاصول .. لكن هى كان فى ايدها نعمة اتنمردت عليها فغارت من وشها ..
كلمة اخيرة
النماذج دى مش كل البنات الموجودة فى المجتمع .. فيه لسه بنات واهالى فيهم الخير وفعلا بيشيلوا الراجل .. لكن انا حبيت اركز على نماذج مستفزة فى المجتمع ..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nashaat.own0.com
 
إلى كل البنات المتحنجلات تذكرى قول جدتك خطبوها اتعززت تركوها اتندمت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
م . نــشأت فؤاد الشيـــخ :: المنتدي الثقافي العام :: منتدي بوح المشاعر وبحور الشعر-
انتقل الى: